Олунньутааҕы үөрэҕирии үлэһиттэрин  мунньаҕа  

В.Н. Оконешников аатынан Павловскай орто оскуолатыгар олунньу 4 күнүгэр «Мэҥэ-Хаҥалас улууһугар эбии үөрэхтээһин сайдыытын аныгы мадыала уонна инники кэскилэ» тиэмэҕэ Мэҥэ- Хаҥалас улууһун үөрэҕириитин үлэһиттэрин олунньутааҕы мунньаҕа буолан ааста. 

Манна кыттыыны ыллылар үөрэҕирии тэрилтэлэрин салайааччылара, эбии үөрэхтээһин педагогтара, ыҥырыылаах ыалдьыттар.

Мунньах кыттыылаахтара 6 секциянан үлэлээтилэр, РФ эбии үөрэхтээһин Концепциятын, Мэҥэ-Хаҥалас улууһугар эбии үөрэхтээһин туругун, проблемаларын, сайдар хайысхаларын, формаларын, улууска оҕо общественнай хамсааһынын сайдыытын ырытыстылар.

 

 

Программанан 6 секция үлэлээтэ: 1 секция: «Организационно-педагогические условия обеспечения сетевого взаимодействия дополнительного образования детей»; 2 секция: «Сетевая школа как модель развития технического направления в Мегино-Кангаласском улусе»; 3 секция: «Развитие модели инклюзивного дополнительного образования в ОО»; 4 секция: «Непрерывная система профессиональной ориентации учащихся в условиях реализации образовательных программ»; 5 секция: «Модель реализации сетевых образовательных программ»; 6 секция: «Пути развития детского движения в улусе».

Уопсай уонна эбии үөрэхтээһин тэрилтэлэригэр мунньах түмүгүнэн маннык уураах ылыллан инники соруктар турдулар:

- уопсай уонна эбии үөрэхтээһин тэрилтэлэрин икки ардыгар оҕолору эбии үөрэхтээһининэн хабыыга дуогабары түһэрсэргэ;

- сетевой, дистанционнай, электроннай үөрэхтээһини киэҥник киллэрэргэ;

- эбии үөрэхтээһин сылы эргиччи барарын тэрийэргэ, өрөбүллэри, каникул кэмнэрин, чуолаан сайыҥҥы сынньалаҥы табатык туһанарга;

- эбии үөрэхтээһин тэрилтэлэригэр оҕо төрөппүтү кытта кэлэн дьарыктанар усулуобуйатын тэрийэргэ;

-атын ведомстволары кытта эбии үөрэхтээһиҥҥэ бииргэ үлэлээһини салгыы ыытарга, саҥа формалары көрдүүргэ;

- оҕолор социальнай компетенцияларын сайыннарар инниттэн оҕо общественнай тэрилтэлэрин, хамсааһыннарын өйүүргэ;

- эбии үөрэхтээһин программаларын оҥорорго оҕолор уонна төрөппүттэр баҕаларын, уратыларын, кыахтарын учуоттуурга, ураты болҕомтону доруобуйаларынан хааччахтаах, олох уустуктарыгар түбэспит, дьоҕурдаах оҕолорго уурарга.

Мунньахха уопсайа 320 киһи кыттыыны ылла.

Татьяна Оконешникова

Оставить комментарий

Комментарии: 0