Эбии үөрэхтээһин нэдиэлэтигэр

Оскуолабытыгар эбии үөрэхтээһин нэдиэлэтэ буолан ааста.Быйыл олус сэргэх тэрээһиннэр буулан аастылар. Ол курдук муус устар 2 күнүгэр, өрөспүүбүлүкэбит күнүгэр Хаптаҕай оскуолатын куруһуоктарын оҕолоро салайаачыларын кытта ыалдьыттыы кэллилэр.Көрсүһүү ыалдьыттары алаадьынан көрсүүнэн саҕаланна . Торжественнай линейкаҕа өрөспүүблүлүкэбит өрөгөй ырыатын ыллаатыбыт. Ол кэннэ саҥа оскуолабытын көрдөрдүбүт. Салҕыы икки оскуола талааннаах оҕолорун музыкальнай нөүмэрдэрин көрдүбүт. Чахчы күөрэгэй кэриэтэ кэрэ куоластаах ырыаһыттары, кыталык курдук үҥкүүһүт оҕолору  астына көрдүбүт. Оскуолабыт стадионугар тахсан 4 бөлөххө хайдыһан көрдөөхтүк күрэхтэстибит. Салайааччыларбыт көрсүһүү бэлиэтин, доҕордоһуу чыычааҕын, ыалдьыттарбытыгар, Хаптаҕай оскуолатын педагогтарыгар туттардылар. Эһиилги көрсүһүү Хаптаҕай оскуолатыгар ыытыллар буолла.

Мин санаабар олус интэриэһинэй, туһалаах көрсүһүү буолан ааста. Маннык доҕордоһуу көрсүһүүлэр үгэс буолан ыытыллара туруорхтарын баҕарабын.

 Огонеров Дьулур, 7 а кылаас үөрэнээччитэ..

 

 

Оставить комментарий

Комментарии: 0