Кыргыттар күннэригэр аналлаах декада

Нэһилиэкпитигэр быйыл  Саха сирин кыргыттарын күнэ бэлиэтэннэ.

1-4 кылаас кыргыттарыгар оскуолабыт психолога Оллонова Тамара Ивановна кыыс тутта-хапта сылдьыытын туһунан, 5-7 кылаас кыргыттарыгар Арчы дьиэтигэр Павловскай амбулаториятын фельдшера Старостина Анастасия Игоревна уонна учуутал идэлээх Егорова Татыйык Семеновна олус туһалаах бэсиэдэлэри оҥордулар. Биир күн Арчы дьиэтигэр нэһилиэк общественнай түмсүүлэрэ 4 кылаас кыргыттарыгар анаан маастар-кылаастары ыыттылар. Ол курдук, Аммосова Марфа Васильевна - оҕуруонан киэргэллэри оҥорууну, Новгородова Имма Иннокентьевна - баттах өрүүтүн, Иванова Надежда Николаевна - аппликациянан сувенир оҥоруутун, Колосова Юлия Егоровна пицца оҥоруутун көрдөрдүлэр. Кыргыттар олус астыннылар, элбэххэ үөрэннилэр. Декаданы түмүктүүр биэчэр буолан ааста. Манна күн-күбэй ийэлэргэ уонна кыргыттарга аналлаах уолаттар уонна эр дьон эҕэрдэ кэнсиэр көрдөрдүлэр. Кэнсиэр кэнниттэн "Үтүө санаа" дьаарбаҥката ыытылынна.

Бу курдук кыргыттарга аналлаах  олус туһалаах, интэриэһинэй тэрээһиннэр буолан аастылар.

 

                                                                      Виолетта Жиркова, Валя Ильина , Павловскай орто оскуолатын 6б кылааһын үөрэнээччилэрэ. 

Оставить комментарий

Комментарии: 0