«Дарите детям радость»  аһымал акция- кэнсиэр

Ахсынньы 10 күнүгэр нэһилиэккэ 6 “а”, “б” кылаас үөрэнээччилэрэ, учууталлара, төрөппүттэрэ акция- кэнсиэр көрдөрдүлэр. Салайааччынан буолар Туяра Афансаьевна Васильева , 6 “б” кылаас төрөппүттэрин комитетын председателэ. Кэнсиэри туруорарга учууталларбыт Екатерина Николаевна Прибылых, Саргылана Владимировна Сивцева уонна Дмитрий Юрьевич Васильев улаханнык көмөлөстүлэр.

Кэнсиэри иилээн- саҕалан ыыттылар төрөппүттэр Татыйык Семеновна Егорова уонна Николай Семенович Колесов .

Кулуубка тымныы күнү аахсыбакка дьон- сэргэ тоҕуоруһа муһуннулар. Инбэлиит оҕолор төрөппүттэрин кытта көрө кэлбиттэр этэ. Кэлбит биирдиилээн дьон, тэрилтэлэр харчынан көмө оҥорбуттара, саҥа дьыллааҕы бэлэхтэри анал дьааһыктарга укпуттара.

Кэнсиэрбитигэр 2 “а”, “б” кылаас оҕолоро,  үөрэх таһынан дьарыктар салайааччылара, “Күбэйэ”  үҥкүү ансамбыла, кулууп үлэһиттэрэ кыттыспыттара наһаа үчүгэй этэ. Төрөппүттэрбит кытта үҥкүүлэспиттэрэ. көрдөрбүттэрэ. Павлик Прокопьев оригинальнай номеры, фокустары,  көрдөрөн дьону соһуппута.

Акция- кэнсиэргэ киирбит үп инбэлиит оҕолорго саҥа дьыллааҕы бэлэх буолан барыаҕа.

 

          Валя Ильина, Виолетта Жиркова, Павловскай орто оскуолата

Оставить комментарий

Комментарии: 0