ХIX илин эҥэрдээҕи  "Инникигэ хардыы"  научнай- практическэй конференция

«Инникигэ хардыы»  научнай-практическэй конференция 20 сыл устата ыытыллан кэллэ. Биһиги биир дойдулаахпыт бастакы академик Владимир Петрович Ларионов бу хамсааһыны тэрийсибит киһинэн буолар. Мэҥэ- Хаҥаласка “ Инникигэ хардыы”  конференция төрдүс төгүлүн ыытылынна. 

 

Ахсынньы 16-17 күннэригэр  ХIX илин эҥэрдээҕи  “Инникигэ хардыы” научнай- практическэй конференция В.Н. Оконешников аатынан Павловскай орто оскуолатыгар тэриллэн ааста. Уопсайа 7 улуустан 292 үөрэнээччи  кэлэн дакылааттарынан кыттыыны ыллылар. Кинилэр чинчийэр үлэлэрин 51 эксперт сыаналаата. Бу киэҥ тэрээһин үөрүүлээх чааһын аһыы өрө көтөҕүллүүлээхтик ааста. Майатааҕы музыкальнай оскуола иитиллээччилэрэ, “Кыталык”  норуодунай ансаамбыл, Аллараа-Бэстээхтээҕи 1 оскуолатын педагогическэй этэрээтэ, Павловскай орто оскуолатын оҕолоро  кыттыыны ыллылар. Птицын В.В., Мэҥэ- Хаҥалас улууһун баһылыгын  солбуйааччы, РФ үтүөлээх учууталыгар,  “Дети- Саха Азия”  фонда стипендиатыгар Сергучева Анна Иннокентьевнаҕа  “За вклад в развитии  образования Мегино- Кангаласского улуса”  бэлиэни үөрүүлээх быһыыга- майгыга туттарда. 

ХIX илин эҥэрдээҕи  “Инникигэ хардыы” научнай- практическэй конференция председателэ, Саха сирин үөрэҕириигэ уонна наукаҕа миниистирин солбуйааччыта Иустинова Альбина Степановна,  Мэҥэ- Хаҥалас үөрэҕириитин управлениятын начальнига Черкашина Ирина Васильевна, ХИФУ научнай-чинчийэр салалтатын  начальнигын солбуйааччыта, филологическэй наука кандидата Малышева Нинель Васильевна, Сергучева Анна Иннокентьевна “Инникигэ хардыы”  ааҕыылар үлэтин сырдаттылар, инники сайдыытыгар санааларын үлэһиннилэр, кыттааччыларга баҕа санааларын тириэртилэр. Үөрүүлээх чаас Павловскай орто оскуолатын үөрэнээччилэрин кэнсиэринэн түмүктэннэ.

Икки күн устата үөрэнээччилэр 17 секцияларынан хайдыһан чинчийэр үлэлэрин көмүскээтилэр.  Биһиги улууспутуттан 27 үөрэнээччи дипломнарынан  наҕараадаланнылар. Лауреат үрдүк аатын ылары ситистилэр: Дмитриева Нарыйа, 11 кыл., Хара орто оскуолата, ( сал. Сидорова М.П.), Кузьмина Сардана, 11 кыл., Табаҕа орто оскуолата                   ( сал. Елисеева М.Д.),    Билюкина            Саргылана, 11 кыл. Майа 2 орто оскуолата ( сал. Шадрина В.Г.), Егорова Наталья, 9 кыл., В.П. Ларионов аатынан Майа орто оскуолата, (сал. Абрамова В.Г.), Ефимов Эрчим, 9 кыл., Бютейдях орто оскуолата ( сал. Соловьева Н.А.), Охотин Владимир , 11 кыл. ,Ф.Г. Охлопков аатынан Майа орто оскуолата  ( сал. Гоголева Л.С.), Макарова Мария, 10 кыл., В.Н. Оконешников аатынан Павловскай орто оскуолата, ( сал.  Татаринова В.Д. Сивцева С.В.), Шагенян Ашот, 9 кыл., Аллараа- Бэстээхттэҕи II  оскуола  ( сал. Скрябина А.С.). Икки күн устата ыытыллыбыт конференция үөрэнээччилэргэ, салайааччыларга улахан көмөлөөх, суолталаах буолла. Оҕолор ученайдары кытары кэпсэтэн  туһалаах сүбэлэри ыллылар, инники былааннарын торумнаатылар.

Конференция үлэтин хаамыытын Павловскай орто оскуолатын  эдэр корреспонденнара интервью ылан, хаартыскаҕа түһэрэн, радиоузелынан уонна  телвизорынан оҥорон көрдөрдүлэр, сырдаттылар, хаһыат таһаардылар.

“Инникигэ хардыы” сайда- үүнэ турдун.

                             Юлия Колосова, Павловскай орто оскуолата

 

 

 

Оставить комментарий

Комментарии: 0