Таҥха күннэрэ

Биттэнии-билгэлэнии күннэрэ  былыргыттан күн бүгүнүгэр диэри сүтэн-оһон хаалбакка тиийэн кэллилэр. Бары билэрбит курдук, саҥа дьыл кэнниттэн сахаларга "Таҥха кэмэ" са5аланар. Тохсунньу 7 күнүттэн 19 күнүгэр дылы  «Таҥха» иһиллиир» кэм диэн ааттанар.   Бу ый суолтатын, сиэрин-туомун быһааран, үөрэнээччилэргэ сөпкө өйдөтөр сыалтан, сылын аайы оскуолабытыгар"Таҥха киэһэтин" тэрийэн ыытабыт.

   

   Быйылгы үөрэх дьылыгар Тохсунньу 16-с күнүгэр 5-7 кылаастарга уонна 17 күнүгэр 8-11 кылаастарга анаан, олохтоох  Арчы дьиэтигэр ыыттыбыт.

   Бу күн оҕолору арыылаах алаадьынан күндүлээтибит. Буруо таһааран ыраастаныы сиэрин-туомун "Арчы" дьиэтин салайааччыта Светлана Павловна Сивцева ыытта. Саастарынан алгыһы оҕолорго ыытта - Нина Ивановна Колосова, олохтоох модельнай библиотека салайааччыта. Төрүт культура учуутала Любовь Васильевна Фёдорова Тохсуньу ый суолтатын  билиһиннэрдэ,"Таҥха" оонньууларынан викторина ыытта. Оҕолор бэйэлэрэ интэриэһиргиир ыйытыыларын биэрдилэр.

   Саха тылын учууталлара Светлана Петровна Иванова уонна Катерина  Викторовна Билюкина таҥха оонньууларын арааһын: "Түөрэх олордуу", "Күлүк көрүү", "Этэрбэс хаамтарыы, "Чүмэчи буоскатынан таайыы" о.д.а. билгэлэнии араас көрүҥнэрин салайан ыыттылар.

   Олус интэриэһинэй көрсүһүү буолан ааста. О5олор астынан, үгүс саҥаны билэн тарҕастылар.

 

Любовь Федорова, төрүт культура учуутала

Оставить комментарий

Комментарии: 0